CLANG! CLANG!
Ang tunog ng lata
Ngunit ito lang ba ang tunog?
Marahil pag walang laman.
CLANG! CLANG!
Tunog ng latang walang laman.
Masakit sa tainga,
Nakakairita pakinggan.
Parang isang bibig na nagsasalita
Ngunit hanggang salita lamang.
CLANG! CLANG!
Ang tunog ng lata
Nag - iiba ang tunog pag may laman.
CLANG! CLANG!
Isang latang may laman.
Hindi masakit sa tainga.
Parang isang bibig na nagsasalita
Ngunit ito'y pinag - isipan.
Sa halip na puro salita, ito'y may gawa.
CLANG! CLANG!
Ang tunog ng lata.
May laman man o wala.
CLANG! CLANG!
IKAW, KABILANG KA BA SA KANILA?
- Margarette Foz
Walang komento:
Mag-post ng isang Komento